2023ko apirileko Bilkura ESTIAn, Bidarten

Jakiundeko udaberriko bilkura apirilaren 21ean egin zen ESTIAn (École Supérieure des Technologies Industrielles), Bidarten.

Akademiak euskal kulturaren esparruan finkatutako unibertsitateetako batean egin ohi du apirileko Batzar Nagusia, eta errektoreak Akademiako berezko kideak dira, kargua betetzen duten bitartean. Kasu honetan, Lapurdiko Ingeniaritza Eskolako zuzendari Patxi Elissalde, beraz, Jakiundeko kargiagatiko kide osoa da, eta bera izan zen ekitaldiaren anfitrioia.

Osoko bilkurak bi zati ditu: lehena gonbidatuentzat irekita dago eta bigarrena barnekoa da. Lehenengo zatian Andres Arizkorretak, CAFeko presidente eta Jakiundeko kide hautetsi osoak, Bilkurako hitzaldia eman zuen: "Unibertsitatea eta Enpresa hurbildu behar dira?"

Konferentziaren ondoren, 2022ko azaroko Osoko Bilkuran hautatutako kide berriel kargua jartu zuten Juan Ignacio Pérez presidentearen eskutik:

- Hautetsitako kide osoak: Juan José Álvarez, Nekane Balluerka, Tomás Marco eta José María Pitarke (2022ko azaroaren 18an hautatua).

- Kide urgazleak: Juan Damborenea eta Pedro Larrañaga (2022ko azaroaren 18an hautatua).

- Kide urgazle gaztea: Iñigo Olalde (2022ko azaroaren 18an hautatua).

- Ohorezko kidea: Alejandro Tiana (2021eko apirilaren 23an hautatua).

Osoko Bilkurak Akademiako 60 kide bildu zituen, tokiko pertsonez eta agintariez gain.

Udaberriko Osoko Bilkuraren bezperan Jakiundeko kide batek jende guztiarentzat zabalik dagoen hitzaldi bat eskaini ohi du. Oraingo honetan, Humberto Bustince UPNA/NUPeko Konputazioaren eta Adimen Artifizialaren Zientziako katedradun eta sortu berri den NAIR (Navarra Artificial Intelligence Research Center) zentroko zuzendariak, "Hacia la Inteligencia Artificial Generalista" hitzaldia eman zuen ESTIAn, Jakiundeko kideen eta Ingeniaritza Eskolako ikasle eta irakasleen aurrean.

Jakiundeko hurrengo Osoko Bilkura azaroaren 17an izango da Arantzazun.