2018ko azaroko Bilkura eta Arantzazuko Foroa

2018ko azaroaren 8an Jakiundek udazkeneko Ohiko Osoko Bilkura egin zuen bere egoitza ofizialean, Bergarako Olaso Dorrean.

Bilkura Itziar Laka, UPV/EHUko Hizkuntzalaritza katedraduna eta Akademiako jakitun hautetsiaren hitzaldiarekin hasi zen. Hizkuntza noizdanik? izenburua zuen hitzaldia eskaini zuen jendarteari zabalik dagoen Bilkuraren lehenengo zatian.

Hitzaldia eta ondorengo solasaldia eta gero, barne bilera egin zuen Jakiundek, bertan kide berriak hautatu zituelarik: bi kide hautetsi eta lau kide urgazle.

Jakitun hautsi berriak:

Daniel Innerarity, Filosofia eta Politika Sozialean katedraduna, Ikerbasque ikertzailea (UPV/EHU), Gobernantza Demokratikoaren Institutua eta Florentziako Europar Institutuko Institutu Europarrean lanaldi partzialean.

Ana Zubiaga, UPV/EHUko Genetika alorreko katedraduna, bere doktoretza aurreko ikerketa aldia Euskal Herriko Unibertsitatean egin zuen eta bertan doktoregoa lortu eta gero, Tufts eta Harvardeko Unibertsitateetan egin zuen lan (1986-1994). Biologia eta minbiziaren genetikaren elkargunean kokatzen da bere ikerketa eremua.

Honako hauek dira hautatutako jakitun urgazleak:

Itziar Alkorta Idiakez, UPV/EHUko Zuzenbide Fakultateko irakaslea. Bere ikerketa ildoak: datuen babesa, ugalketa eta bioetika orokorrean. Jakiundeko idazkaria (2009-2011), Eusko Jaurlaritzako Unibertsitate eta Ikerketa Sailburuordea (2012-2015), IURA VASCONIAE Fundazioaren lehendakariorde da 2015etik.

Juan José Álvarez Rubio, Enpresa Zuzenbideko Nazioarteko Zuzenbide Pribatuan katedraduna (UPV/EHU), 2015eko Humanitate, Kultura, Arteak eta Gizarte Zientzien Eusko-ikaskuntza-Laboral Kutxa sariduna.

Justo Lacunza Balda, Erromako Ikasketa Arabiar eta Islamikoen Pontifikal Institutuko errektore emeritua 2007 urteaz geroztik. África Fundación Sur erakundeko Idazkari Nagusia eta Afrikako Misiolarien Elkarteko kultur arteko eta erlijio arteko elkarrizketarako arduraduna Espainian., AEJPN (Africa Europe Justice and Peace Network), Antena Madrid erakundeko arduraduna da.

Diego López de Ipiña González de Artaza, Deustuko Unibertsitateko katedraduna, Ingeniaritza Fakultateko irakasle titularra, “MORElab – Envisioning Future Internet” group-eko ikertzaile nagusia eta DeustoTech – Deusto Institute of Technology atxikitako DeustoTech-Societal Challenges unitatearen zuzendaria da.

Bilkuraren bezperan, azaroaren 7an elkartu ziren jakitunak Arantzazuko Foroan eta, besteak beste, Jesus M. Ugalde, Akademiako lehendakariak eta Víctor Gómez Pin filosofoak Errealitatea kontzeptuaren azterketa egin zuten, denon arteko eztabaidaren sarrera modura.