Zahartze osasuntsua

Basque Culinary Center, 2014ko urriaren 24a

Zahartzea edo adintzea gaur egungo erronka handienetakoa da. Gero eta luzaroago bizi gara medikuntzaren eta gizartearen aurrerakuntzei esker. Lorpen honek berarekin dakar errealitate berriak sortzen dituen premiei erantzun behar izatea. Luzaroan bizi ahal izatea egiazko aurrerapena izango da, bizimodu aktiboa eta osasuntsu batez gozatu ahal dugun heinean. Zahartzea gertakari konplexua denez gero, erantzun konplexuak eskatzen ditu. Gaiari modu eraginkorrez ekiteak jakin-alor anitzetik hurbiltzea eskatzen du.

Adintzea ikuspuntu desberdinetatik begiratu eta ikuspegi desberdin horiek aztertzea izan zen jardunaldiaren helburua, ikuspegi horiek guztiak garrantzitsuak direlako zahartzea ulertzeko, eta bizialdiaren luzapenak dakartzan erronka handiei irtenbide eraginkorrak emateko.

Hauexek izan ziren jardunaldian parte hartu zuten hizlariak:

Adolfo López de Munain, neurologoa, Biodonostia Osasun Ikerketa Institutuko Neurozientzia Ikerketa-arloko arduraduna.

Juan Carlos Arango, psikologoa, Birgaikuntzaren Neuropsikologian aditua.

Antonio Casado da Rocha, Bioetika irakaslea (UPV/EHU) eta Donostia Ospitaleko Asistentziaren Etikako Batzordekidea.

Unai Martín, Soziologia irakaslea (UPV/EHU) eta ikerlaria honako arloetan: Osasunaren soziologia, Biztanleriaren soziologia eta Gizarte ikerketako metodologiía eta teknikak.

Ekimenak Eusko Jaurlaritzako Enplegu eta Gizarte politiketako sailaren babesa eta Bartzelonako Unibertsitatea, SIForAge, Gisme, Basque Culinary Center eta Europako Batzordearen laguntza izan zuen.

Hona hemen Jakiundeko kide Javier Tejada jardunaldiaren koordinatzaileari egindako elkarrizketa:

www.diariovasco.com/sociedad/salud/201410/25/envejecer-forma-saludable-esta-20141025001507-v.html