UXUE 2021. Unibertsoaren soinua: Musika, Izarrak eta Ohitura Zaharrak

Uxueko Udako Ikastaroak gai zientifiko eta sozialei buruzko hainbat konferentzia dibulgatiboren inguruan egituratzen dira, eta, hasiera batean, Pertseiden euria izaten den garaian egiten ziren, ikastaroen funtsezko bereizgarrietako bat zelako parte-hartzaileei Uxueko zerua gauez behatzeko aukera ematea, kontuan hartuta NASAren ustetan behaketa astronomikorako munduko toki onenetako bat dela, ia-ia argi-kutsadurarik ez dagoelako.

Ildo horretan, lehen ikastaroari "Uxuetik zerura" izena eman zioten, ondoren jarraipena izan duen bidea erakusteko. Zehazki, Astronomiari buruzko zenbait hitzaldi dibulgatibo eskaini ziren gai horretako adituen eskutik, eta, hitzaldien osagarri, dibulgazio zientifikoko beste zenbait jarduera eta Uxueko zeruaren gaueko behaketa, Iruñeko Planetarioak eta Astronavarra elkarteak antolatuta.

2017an, astronomia eta elikadura izan zen ikastaroaren ardatza, eta espezialista batek hitzaldi bat eman zuen bioteknologiaren eta elikagai transgenikoen gainean, ogi-mamien plater tipikotik abiatuta.

2018an, film bat eskaini zen eta literaturari eta izarrei buruzko hitzaldi bat ere antolatu zen, programaren barnean. Urte hartan hizlari gisa parte hartu zuen, besteak beste, Manuel Seara Valerok, Radio Nacional de España irratiko A lomos de gigantes programaren arduradunak.

2019ko edizioan, bertaratuen kopurua gora zihoala ikusirik, programa zabaldu behar izan zen, minbiziaren gaineko hitzaldi bat barne hartzeko, Onkologia Medikoko Espainiako Sozietateko presidente Ruth Verak eman zuena. Musikari buruzko hitzaldi bat eta kontzertu bat ere eskaini ziren.

2020. urtean ez zen ikastarorik antolatu, pandemia zela-eta.

Azkenik, 2021ean, JAKIUNDE Euskal Herriko Zientzia, Arte eta Letren Akademiak bat egin zuen ikastaroak antolatzeko lanekin.

Bi ikastaro egin ziren 2021ean:

- Unibertsoaren soinua: musika, izarrak eta ohitura zaharrak

- Uxue Erresumako Unibertsitatea. Arte genero guztientzako zientzia,

Bi ikastaroetan, Iruña Cormenzana artistaren obren erakustaldi bat eskaini zen, Uxueko zenbait gune esanguratsutan.

2021eko UXUEKO UDAKO IKASTAROAK:"Unibertsoaren soinua: musika, izarrak eta ohitura zaharrak".

(Lehenengo ikastoroko bideo laburpena)

ABUZTUAK 7, larunbata

10:20h ARIMAREN HOTSAK

Manuel Seara Valero, A Hombros de Gigantes irratsaioko zuzendaria, Radio 5 (RNE).

11:30h ASTROEN HOTSAK