Erronkak zikloa. ¿Se puede volver a escribir el pasado? Más allá de la memoria traumática

Maiatzaren 10ean, Enrique Echeburúa, UPV/EHUko Psikologia Klinikoan katedraduna eta Jakiundeko kideak "¿Se puede volver a escribir el pasado? Más allá de la memoria traumática" hitzaldia eskaini zuen STM-San Telmo Museoan, "Memoria, trauma eta identitate pertsonala", Echeburúa jaunak berak koordinatutako zikloaren baitan.

Bertan azaldu zuen oroitzapenek eragin handia dutela pertsonaren emozio eta sentimenduetan, eta hauen eragina jasotzen dute oroitzapenek aldi berean. Izan ere, oroimena eta afektibitatea oso lotuta daude. Iraganeko bizipen objektiboak aldaezinak dira, baina bizipen horien pertzepzioa aldatu egin daiteke, eta, beraz, egungo bizitzaren bilakaera eralda dezake. Pertsonek oroitzapenak emozionalki modulatzen ikasi behar dute. Izan ere, bizipen dramatiko jasanezinek pertsona bat tiranizatu egin dezakete, baina beren biografiaren parte diren eta egungo eta etorkizuneko bizitzan eragin negatiborik ez duten oroitzapen mingarri eta eramangarrietan ere eralda daitezke. Kasu horretan, iragan traumatiko bat iragan biografiko bihurtzen da, biktimak ez dira denboraren tunelean harrapatuta geratzen, eta bizi-proiektu erakargarri batean inplika daitezke.