Juan Pablo Fusi Historia Errege Akademiako kide egin dute

Juan Pablo Fusi jakituna Historiako Errege Akademiako kide egin dute eta "Espacios de Libertad. La cultura española y la recuperación de la democracia (c.1960 – c. 1990)" izan da bere sarrera hitzaldia.

Juan Pablo Fusi Aizpurua (Donostia, 1945) Historia Garaikideko katedraduna da Madrilgo Complutense Unibertsitatean (1988). Aurretik, Kantabriako Unibertsitateko (1982-1986) eta Euskal Herriko Unibertsitateko (1986-1988) katedraduna izan zen. Oxforden ikasi zuen, Raymond Carr irakaslearekin eta 1976 eta 1980 artean Oxfordeko Unibertsitateko St. Antony's College-eko Iberiar Ikasketen Zentroko zuzendaria izan zen. Historian doktorea, Oxfordeko Unibertsitatean (1974) eta Madrilgo Complutense Unibertsitatean (1979). 

Espainiaren gaur egungo historia landu du nagusiki, eta Euskal Herriarena, bereziki. Idatzi dituen liburuen artean: España de la dictadura a la democracia (Raymond Carr-ekin, 1979); El País Vasco. Pluralismo y nacionalidad (1983); Franco, autoritarismo y poder personal (1985); España 1808-1996. El desafío de la modernidad (Jordi Palafox-ekin, 1997); España, la evolución de la identidad nacional (1999); Un siglo de España. La cultura (2000); La patria lejana. El nacionalismo en el siglo XX (2003), eta Identidades proscritas. El no nacionalismo en sociedades nacionalistas (2006).

Liburutegi Nazionaleko zuzendaria eta Ortega y Gasset Unibertsitate Institutuko eta Ortega y Gasset Fundazioko zuzendari akademikoa izan da.

http://www.abc.es/cultura/abci-juan-pablo-fusi-resquebrajado-plena-unidad-soberanista-cataluna-201512131416_noticia.html

http://www.revistadearte.com/2015/12/13/juan-pablo-fusi-ingreso-en-la-real-academia-de-la-historia/