Ohorezko Kide berriak: Alejandro Tiana eta Iñaki Dorronsoro

Jakiundeko Batzarrak Alejandro Tiana eta Iñaki Dorronsoro izendatu ditu Akademiako Ohorezko Kide apirilaren 23an egindako udaberriko Bilkuran.

Jesus M. Ugalde, zortzi urtez Akademiako burua izandako lehendakari ohiak aurkeztu zituen hautagaitzak Aquariumeko auditorioan presentzialki bildutako kideen aurrean. Gainerakoek telematikoki hartu zuten parte bileran.

Alejandro Tiana, UNED-eko errektore-ohia izan zen bost urtez (2013-2018) eta, ondorioz, Jakiundeko karguagatiko kide izan zen tarte horretan. Egun, Hezkuntza eta Lanbide Heziketako Ministerioko Hezkuntza eta Lanbide Heziketako estatu-idazkaria da.

Iñaki Dorronsoro, Eusko Ikaskuntzako lehendari ohiak, EI-SEV-eko buru izan den zazpi urtetan Akademiako Bilkuretan hutsik egin gabe hartu du parte, hainbat ekimenetan Akademiarekin bat eginez.

Gogora ekarri behar da Jakiunde Eusko Ikaskuntzaren baitan sortu zela, eta 2009ko apirilaren 7an eratu zela erakunde autonomo gisa. Ondorioz, berezia eta iraunkorra da bi erakundeen arteko harremana. Era berean, elkarrekikotasunez, Eusko Ikaskuntzako Lehendakariari Jakiundeko Batzar Nagusietarako gonbitea eginten zaio, eta Jakiundeko Lehendakariak Eusko Ikaskuntzako Gizarte-Bikaintasunaren Kontseiluan hartzen du parte.

Jakiundeko barne araudiak ezartzen ditu Ohorezko Kideak hautatzeko baldintzak, eta bertan adirazten denez, Ohorezko Kide izendapena emango zaie, Jakiunderi eskainitako ardura edo zerbitzu bereziagatik edo beraien merezimendu aipagarriengatik Batzar Nagusiak horrela onartu dituen pertsona ospetsuei.

Alejandro Tiana eta Iñaki Dorronsoro Ohorezko Kide berriek 2021eko azaroaren 12an egingo den udazkeneko Bilkuran hartuko dute kargua.