Agustin Azkarate jakitunak, Euskal Herriko Unibertsitateko Arkeologia katedradunak, Eusko Ikaskuntza-Laboral Kutxa Humanitateak, Kultura, Arteak eta Gizarte Zientzien 2021eko Saria jaso zuen azaroaren 9an, Gasteizko Santa Maria Katedralean.
Erakundeetako ordezkarien eta zientzia- eta kultura-arloko pertsona ezagunen presentzia zabalarekin, ekitaldirako aukeratutako lekua ezin egokiagoa izan zen: Gasteizko Santa Maria Katedrala, zeinaren berritze-planaren inspiratzaile intelektuala eta zuzendari zientifikoa izan baitzen Agustin Azkarate Garai-Olaun irakaslea.
Eva Ferreira García Euskal Herriko Unibertsitateko errektoreak hitzaldien txanda ireki zuen, Agustin Azkarateren irakaskuntza- eta ikerketa-lana azalduz, bere ustez, “bere diziplinaren esparru espezifikoa, Arkeologia, gainditzen baitu, beste espezialitate batzuekin elkarrizketa konplexu eta emankorra garatzeko”. Baina horretaz gain, errektoreak adierazi zuenez, bere lanean “badago ezagutza transferitzeko anbizio handia” eta beste esparru eta diziplina batzuetara aplikatzeko alderdi bat.
Ondoren, Sariaren erakunde babesleen ordezkari gorenek hartu zuten hitza. Alde batetik, Txomin García LABORAL Kutxako lehendakariak, Azkarate irakasleak bere espezializazio-arlotik harago indarrak mobilizatzeko duen gaitasuna azpimarratu zuen. Diziplina anitzeko eta lankidetzako dimentsioa, gazteen prestakuntzari nahiz mundu akademikoaren eta erakunde publiko eta pribatuen arteko zubiak ezartzeari aplikatzen zaiona. “Finean, pertsona berritzailea eta oso eskuzabala, ondare kultural, sozial eta zientifiko garrantzitsua utzi duena”, Txomin Garcíaren hitzetan. Gazte Sariaren irabazleari dagokionez, ondarea berreskuratzeko egindako lanaren balioa azpimarratu zuen, “hausnarketetarako espazio berriak sortuko dituelako”.
Bestalde, Eusko Ikaskuntzako lehendakari Ana Urkizak, Agustin Azkarateren ibilbidea kokatu zuen Araban XX. mendearen hasieran Eusko Ikaskuntzaren kide sortzaile diren Eguren, Barandiaran eta Aranzadi euskal arkeologiaren aitzindariek hasitako lanetan; lan horiek, Gerra Zibilaren eta gerraosteko lehen parentesiaren ondoren, Arabako Arkeologia Institutuak hartu zituen. Urkizak honela definitu zuen saritua: “Ondarearen Zientziaren arkeologo, irakasle, sustatzaile eta sozializatzailea; ezagutzaren ikertzaile eta esploratzailea, elkarlanaren, ahalegin bateratuaren eta helburu komunen inguruan sinergiak sortzearen aldeko apustua egiten dugunok inspiratu eta bultzatzen dituena”. Ane Zulaikari dagokionez, emakumea ikusarazteko planteamendua goraipatu zuen, “familia-dokumentazioan eta mikrohistorian murgiltzea proposatu du, euskal emakumearen memoria kolektiborako tresna gisa”.
Saria egiaztatzen duen diploma jaso eta gero, Agustin Azkarate akademikoak “Anboto eta Udalaitz begien bistan” dituen baserri batean bere familiaren jatorria eta haurtzaroa gogoratu zituen. Saria Vitoria-Gasteizi eskaini zion, “duela ia berrogei urte adoptatu ninduen eta naizen guztia zor diodan hiriari”. Arabako hiriburuak, hiri “aitzindari eta berritzaile” gisa, “ondarearen kudeaketa modu integralean, natura eta kultura uztartuz, sortzeko eta eraldatzeko ahalmen handia duen formula dela erakusten du”. Eta, azkenik, honako hau ziurtatu zuen: “Oinordetzan jasotako ondareak, izan ginenaren memoriak, nortasun propioa ematen digu, berezi egiten gaitu, behin betiko indartzen gaitu, globalizazioaren marea geldiezinari arrakastaz aurre egiteko”.
Nafarroako Foru Gobernuko Herritarrekiko Harremanetarako kontseilari Ana Ollorentzat, gure lurraldea Humanitate, Kultura, Arte eta Gizarte Zientzietan modu eraginkorrean eta errealean garatzen laguntzen duten ibilbideak aintzatesten dituen sari bat ezin da Nafarroatik kanpo geratu. “Bere dimentsio humanistiko, kultural, artistiko eta sozial nabarmenagatik”, Azkarate irakaslearen mailako pertsonek “harro sentiarazten gaituzte, ezagutzaren aldeko apustua egiten duen gizarteak soilik aurrera egin dezakeela uste dugunoi”. Era berean, Ane Zulaikaren lana eskertu zuen: “Emakumea eta gazteria erreferente intelektual bihurtzen diren euskal gizartearen onena ikusten”. Kontseilariak ez zuen bere hitzaldia itxi nahi izan Eusko Ikaskuntza nabarmendu gabe, “bere independentziagatik, aniztasun ideologikoagatik, errespetuaren eta elkarrizketaren alde egindako lanagatik”, Nafarroako Gobernuak balio horiek partekatzen baititu.
Ekitaldiaren amaieran, Iñigo Urkullu lehendakaria Azkarate irakasleari esker ona azaldu zion “Eusko Jaurlaritzaren solaskide etengabea izan da, bere ideiak eta proposamenak aurkeztu ditu eta bere lankidetza eskaini du aholkua eskatu diogun bakoitzean”. Bikaintasun profesionalaren adierazgarri dira Gasteizko Santa Maria Katedrala berritzeko plana eta “20 urtez katedrala berreraikitzeko abenturaren berri herritarrei eman zien kontzeptu eredugarria”. Lehendakariak Ane Zulaika ere zoriondu zuen. Izan ere, “begirada gazteak ere behar ditugu, bai, iragana ulertzeko eta gizarte arduratsu bat eraikitzen jarraitzeko”.
Agustin Azkaraterekin batera, Ane Zulaika ikus-entzunezko sortzaile gazteak jaso zuen Eusko Ikaskuntza-Laboral Kutxa Saria, gazteen sailean.
Iturria: Eusko Ikaskuntza
Udaberriko Ohiko Osoko Bilkura ospatu zuen Jakiundek apirilaren 20an, Orona Ideon, Mondragon Unibertsitateko Hernaniko campusean. Jendarteari zabalik zegoen Bilkuraren lehenengo zatian, goizeko 10:00etan, 2017ko azaroko Bilkuran...
Jakiundek Akademiaren sorreraren 10. urteurrena eta bere irudi berriaren aurkezpena ospatu zituen Chillida Lekun, apirilaren 19an, udaberriko Bilkuraren bezperan. Jakiundek epe berri bat zabaldu du, gizarteari zabaldutako...
Pedro Miguel Etxenike, Jakiundeko Ohorezko Lehendakaria, Europako Fisika Elkarteko Ohorezko kide izendatu dute. Fisikari nafarraren ustez, izendapenak, bere lan jardueraz gain, zientziaren komunikazioan eta zabalkudean...
Jakin-mina 2018-2018 Araba ziurtagiri banaketa ospakizuna Gasteizko Foru Diputazioaren Jauregian izan zen apirilaren 10ean. Ekialdea, Ikasbidea Ikastola, Mendebaldea, Miguel de Unamuno, San Prudencio eta San...
Teresa Catalán musikagile nafarra apirilaren 4an omendu dute Madrilgo Conde Duque zentroan "Ellas Crean" zikloaren baitan. 2017an Musika Sari Nazionala jaso zuen akademialariaren omenezko ekitaldia 18:00etan...
'Esther Ferrer: espazio elkarlotuak" Jakiundeko akademialariak Guggenheim Bilbao museoan zabaldu duen erakusketa berria da. Inoiz erakutsi gabeko hamaika instalazio berri daude ikusgai, eta horietako...
Luis de Pablo jakitunak Iñaki Alberdi akordeoilariarentzat idatzitako Amicitia lanak martxoaren 8an izango du estreinaldia BOS-Bilboko Orkestra Sinfonikoarekin, Bilboko Euskalduna Jauregian. Konpositore eta soinujolearen...
Jakin-mina 2017-2018 50 hitzaldiz osatutako 10 zikloak martxoan amaituko dira. Euskal Autonomia Erkidegoan eta Nafarroan (Arrasate, Donostia, Bilbo, Gasteiz, Iruñean eta Tuteran) eskaintzen ari diren hitzaldietan parte...
Maiatzean ziklo berria antolatu du Jakiundek, Erronkak: Internet eta sare sozialen erabilera neurtua edota gehiegizkoa, San Telmo Museoarekin lankidetzan. Enrique Echeburúa, UPV/EHUko Psikologia Klinikoko katedraduna...
Teresa del Valle jakitunak, UPV/EHUko Antropologia katedradun emerituak, Meritu akademikoari aintzatespena jaso du Oaxakako Benito Juarez Unibertsitatean. Abenduaren 4an, Eduardo Carlos Bautista Martínez errektore jaunak...
Azaroaren 24an Jakiundek udazkeneko Osoko Bilkura egin zuen Bergarako Olaso Dorrean. Jakitunek hiru akademialari berri hautatu zituzten Bilkuran: Humbeto Bustince, Nafarroako Unibertsitate Publikoko (UPNA/NUP) Konputazio...
Euskal Autonomia Erkidegoko eta Nafarroako ikastetxeek Jakin-mina 2017-2018 egitasmoan parte hartzeko 4. mailako ikasleen izena emateko epea zabalik dute. Aurten zazpigarren edizioa beteko du egitasmoak Bilbo, Donostia,...
Azaroan Erronkak: Arteen hotsa hitzaldi zikloa antolatu du JAKIUNDEk Nafarroako Unibertsitateko Museoan, Iruñean. Akademiako kide Teresa Catalán, Hezkuntza eta Zientzia Ministerioaren Konposizio eta Instrumentazio...
Iñaki Gabilondo eta Simon Kuper kazetariek, Maria Dolores López, kultura-antropologoa eta Bartzelonako Udaleko Inmigrazio, Kulturartekotasun eta Aniztasunerako mandatariak, egungo gizartean Inmigrazioak...
Urriaren 19an eta 20an Erronkak: Oroitzapen Feministak I antolatu du JAKIUNDEk Donostian, STM-San Telmo Museoa, eta Emakumea, Generoa eta Feminismoa Gordailuaren zaindari den UPV/EHUko Carlos Santamaria...
Jon Mayak jakitun urgazle gazteak zuzendutako Kukai Dantza konpainiak 2017 Dantza Sari Nazionala eskuratu du sorkuntza sailean. Epaimahaikideen esanetan, taldeak erabiltzen duen "folklorearen, mitoen eta erritu...
Hezkuntza, Kultura eta Kirola Ministerioak eskainitako Musika Sari Nazionala 2017 irabazi du Teresa Catalán konpositoreak Konposizio sailean. Musikagile nafarra Madrilgo Goi Mailako Musika Kontserbatorioko katedraduna...
Japoniako Arte Elkarteak sari gorena eman dio Rafael Moneori; Praemium Imperiale saria, hain zuzen. Tokion jasoko du, urriaren 18an. Arkitekto nafarra, zeinak besteak beste Pritzker saria duen, «toki bakoitzeko historia kontuan...
Javier Echeverría filosofoak Mexikoko Unibertsitate Nazional Autonomoko Filosofia eta Letren Fakultateak eskaintzen duen 2017ko Goi-Mailako Ikasketen Eskolako Merezimendua irabazi du, herrialde hartan Humanitateen alde egindako...
Irailaren 13, 14 eta 15ean, Francisco Etxeberria Gabilondo jakitunak, Laura Pego Oterorekin batera zuzenduko du "Violencia masiva, fosas comunes y derechos humanos. Perspectivas desde las ciencias forenses y sociales",...
Teresa del Valle jakituna Granadako Unibertsitateko El Intelectual y su Memoria zikloan parte hartzeko hautatu dute 2017an. Zikloa joan den mendeko 80. hamarkadan hasi zuen unibertsitateak, intelektual ospetsuei beraien...