Jakiunde 2022 egutegia

Jakiundek Akademiako 12 kide aurkezten dituen egutegia plazaratu du. Akademiaren lehenengo egutegia da 2022ko honako hau, eta zientzia eta teknologiaren arloan lan egiten dute emakumeak dira protagonistak:

Urtarrila - Sonia Gaztambide doktorea, Gurutzeta Ospitale Unibertsitarioko Endokrinología eta Nutrizio Saileko burua (Biocruces, Bizkaia) eta UPV/EHUko Medikuntzako irakasle titularra.

Otsaila- Maria Jesus Esteban irakaslea, Matematikan doktorea, CNRA-Ikerketa Zientifikoen Zentro Nazionaleko ikerketa zuzendaria, Paris.

Martxoa- Carmen Mijangos irakaslea, Kimikan doktorea, ikerketa irakaslea, Polimeroen Zientzia eta Teknologia Institutua, CSIC.

Apirila- Maribel Arriortua, Kimikan doktorea, UPV/EHUko Kristalografia eta Mineralogia katedraduna.

Maiatza- Begoña García-Zapirain, Konputazio Zientzietako eta Adimen Artifizialeko katedraduna, e-VIDA ikerketa taldeko zuzendaria, Deustuko Unibertsitatea.

Ekaina- Itziar Astiasaran, Framazian doktorea, Nutrizio eta Bromatologia arloko katedraduna, Nafarroako Unibertsitatea, Jakiundeko lehendakariordea.

Uztaila- Mª Teresa Tellería, Framazian doktorea, ad honorem ikerketa irakaslea, Madrilgo Errege Lorategi Botanikoa, CSIC. Idazlea.

Abuztua- Oihana Otaegui, Ingeniaria (Automatika eta Industria Elektronika), Garraio Sistema Adimentsuen Saileko zuzendaria, VICOMTECH.

Iraila- Ana Zubiaga, Biologian doktorea, UPV/EHUko Genetika arloko katedraduna.

Urria- Conchi de la Rúa, Biologian doktorea, UPV/EHUko Antropologia Fisikoko katedraduna.

Azaroa- Lourdes Basabe Desmonts, Kimikan doktorea, ikerketa irakaslea, Microfluidika Kluesterreko zuzendaria, UPV/EHU.

Abendua- Alicia Alonso, Biologian doktorea, UPV/EHUko Biokimika eta Biologia Molekularreko katedraduna.

Jakiunderen 2022ko egutegiak Marina Palacioren argazkiak ditu eta Laboral Kutxaren lankidetza du. Bertan aurkezten diren emakumezko jakitunek, ibilbide profesional luzea egin eta gero, bikaintasuna lortu dute beren diziplinetan, eta, beste emakumezko jakitun gazteago batzuk punta-puntako lana egiten ari dira beren lanbideetan.

Egutegiarekin batera, Jakiundek hilero bideo bat aurkeztuko du eta bideo horretan protagonistetako bakoitzak bere buruari buruz hitz egingo digu. Urtarrileko egutegian, Sonia Gaztambide doktoreak hauxe dio: "Zientzia kultura da eta kultura bizitza da" eta xehetasun gehiago ematen digu honako bideoan.

Egungo erronketako bat da emakumeek gure gizartearen aurrerapen zientifiko eta teknologikorako funtsezkoak diren jakintzaren arloetan egiten duten lana ikusezin bihurtzen duten gizarte-ohiturak gainditzea. Neska-mutilek aukera-berdintasunean ikasi eta lan egin ahal izan dezaten edozein diziplinatan, gizonak egon ohi diren arloetan emakumeek zer presentzia duten jakin behar du gure gizarteak, eta hori ikusarazi egin behar du. Emakumeak ari dira zientzietan, teknologian, ingeniaritzan eta matematiketan (STEM deitutakoak), eta beren ekarpena egiten dute eta egiten duten lanarekin disfrutatzen dute.

Egutegi honen helburua da gizarteari errealitate hori erakustea, eta etorkizuneko belaunaldiak inspiratzea.