Álvarez Rubio, Juan José

Juan José Álvarez Rubio (Zumaia, 1964) Euskal Herriko Unibertsitateko (EHU) Nazioarteko Zuzenbide Pribatuko katedraduna da. EHUn lizentziatu zuen, Sari Berezia lortuta, eta Gradu azterketan bikain/ohorezko matrikula lortu zuen. Doktoretzako Sari Berezia (1995).

GLOBERNANCE Gobernantza Demokratikoaren Institutuko idazkaria da eta EUROBASK/CVME Europako Mugimenduaren Euskal Kontseiluko idazkari nagusia izan zen (2003-2012 maiatza).

EUROPAKO BATZORDEAK aditu izendatu zuen (zehazki, Justizia, Askatasun eta Segurtasuneko zuzendari nagusi) hainbat alorretarako: justizia zibila, mugak, datu pertsonalen babesa eta segurtasun-esparruak.

Hamar monografia idatzi ditu eta ehun obra kolektibo eta doktrina-artikulutan baino gehiagotan parte hartu du, hainbat alorretako zientzia-aldizkarietan: eskualde arteko zuzenbidea, nazioarteko zuzenbide prozesal zibila, itsas zuzenbidea, nazioarteko merkataritzaren zuzenbidea, nazioarteko merkataritza-arbitrajea, nazioarteko familia-zuzenbidea; jurisprudentziari buruzko ohar ugari egin ditu.

Abokatu eta enpresa-ahokulari gisa dihardu complianceko eta nazioarteko kontratazioko arloetan, eta fundazio ugaritako kide ere bada: IKERBASQUE fundazioaren patronala, Bergarako UNED fundazioa, SIIS Eguía-Careaga fundazioa eta MATIA fundazioa.

Eusko Ikaskuntza-Laboral Kutxaren Humanitate, Kultura, Arte eta Gizarte Zientzien saria jaso zuen 2015ean. Jakiundeko kide urgazle izendu zuten 2018ko azaroaren 9an, eta kide hautetsi osoa 2022ko azaroaren 18an.