JarduerakErronkak
Solasaldiak. Gure gizartearen erantzuna ustekabeko pandemia baten aurrean

Solasaldiak. Gure gizartearen erantzuna ustekabeko pandemia baten aurrean

"Gure gizartearen erantzuna ustekabeko pandemia baten aurrean" izenburupean, jendarteari zabaldutako hiru solsaldi antolatu ditu Jakiundek STM-San Telmo Museoarekin batera, maiatzaren 17, 24 eta 31n, arratsaldeko 19:00etan. Sarrera libre izango da lekuak bete arte.

COVID-19aren pandemiak hankaz gora jarri du mundua. Ondorio dramatikoena hildakoak izan dira: sei milioi pertsona, gutxienez. Oso krisi sakon bat eragin du zenbait ordenatan: sanitarioan, jakina, baina baita ekonomikoan, sozialean, emozionalean eta politikoan ere. Oraindik ez dugu gainditu pandemia, eta denbora beharko dugu ondorioak gainditzeko –zentzurik baldin badauka halakorik esateak–. Pandemia berriak etorriko dira. Badakigu. Beraz, ondorioak atera eta bizitakoaz ikasi; hori da egin dezakegun onena.

Horretarako, San Telmo Museoak Erronkak egitasmoaren bitartez, eta Jakiundek, Akademiak diziplina anitzeko kideak dituenez, hainbat diziplinatako eta arlo profesionaletako pertsona kualifikatuen ikuspuntuak alderatu zituzten hiru saioetan.

Uste dugu elkarrizketak –hainbat esperientzia eta ezagutza-esferatatik abiatuta– ikuspuntu berriak ekar ditzakeela; hots, hitz egiten dutenak diziplina berekoak direnean nekez ateratzen diren ideiak.

Aniztasunetik eta kontrastetik gehiago ikas dezakegu. Helburu hori izan dugu pandemiak erakutsi digunari buruz mintzatzeko egin ditugun hiru saioetan.

Lehenengo solasaldia maiatzaren 17an izan zen, honako solaskideekin:

- Enrique Echeburúa, UPV/EHUko Psikologia Klinikoko katedraduna eta Jakiundeko kidea

- Iñigo de Miguel Beriain, UPV/EHUko Zuzenbide Publikoko Saileko Zuzenbidea eta giza genoma katedrako kidea eta Ikerbasque Research Professor.

- Arantxa Etxeberria, UPV/EHUko Logika eta Zientziaren Filosofia Saileko irakaslea eta ikertzailea.

Ignacio Arganda-Carreras, UPV/EHUko Ingeniaritza Informatiko Fakultateko Konputazio Zientzien eta Adimen Artifizialeko Saileko ikertzaile eta Jakiundeko kidea izan izan zen solasaldiaren moderatzailea.

Honako estekan ikus daiteke solasaldiaren grabaketa.

1 -tik 60 -rako elementuak erakusten, guztira:74
<< < 1-60 61-74 > >>
top